Jabhada Tigrayga Oo Bililiqeystay Gagaar Uu Maraykanku U Waday Gobolka Amxaarada

0

Ciidamo ka socda gobolka Tigray ee Itoobiya ayaa bililiqeystay gargaar bani’aadamnimada ee dowladda Mareykanka ugu tala gashay gobolka deriska la ah ee Amxaarada, sida uu sheegay madaxa howlgalka.

Qowmiyadda Tigreega ayaan ka jawaabin eedeymaha loo soo jeediyay.

Madaxa USAID ee Itoobiya ayaa u sheegay telefishanka dawladda in dagaalyahannada Tigray ay faaruqiyeen bakhaarro ay ku jireen raashin loogu tala galay gobolka Amxaarada.

Waxay sidoo kale qaateen gawaari waaweyn, ayuu raaciyay.

Toddobaadkii hore, saraakiisha Amxaarada ayaa ku eedeeyay ciidamada Tigreega inay dileen ku dhawaad ​​40 qof oo rayid ah isla markaana ay burburiyeen iskuuladii, isbitaalladii iyo xarumihii kale.

Ciidammada jabhadda Tigray -ga oo muddo 10 bilood ah la dagaallamayay ciidamada federaalka iyo xulafadooda, ayaa dagaaa ku qaaday meel ka baxsan gobolkooda, iyagoo u sii gudbay gobollada deriska la ah ee Amxaarada iyo Canfarta.

LEAVE A REPLY

Please enter your comment!
Please enter your name here