Dhalinyarada Beelaha Garxajis Oo Bayaan Ay Soo Saareen Kaga Hadlay Colaada Ceel Afweyn Iyo Eexda Xukuumada Kulmiye

0
73

WAR MURTIYEED AY SOO SAAREEN AQOONYAHANKA IYO DHALINYARADA BEELWEYNTA ISMAACIIL SHEEKH ISAXAAQ (GARXAJIS) EE KU SUGAN DALKA GUDIHIISA.
Taariikhda: 09/07/2018
Aaraar:
 Markaanu garwaaqsanay in hannaanka siyaasaddeed ee dalku uu dib ugu laabtay qabyaalad aad u wiiqday nidaamkii dimuquraadiga ahaa ee uu jidaynayay dastuurka Somaliland.

 Anagoo ka werwersan saamaynta taban ee qabyaaladda xadhkaha goostay ay ku yeelatay wadajirka, caddaalada, siyaasadda iyo amniga Somaliland

 Markaanu darisnay isbedelada dhaqan-dhaqaale iyo siyaasaddeed ee mandaqada xawligana ku socda,

 Annagoo ka tiiraanyaysan colaadaha ka soo cusboonaaday Sool iyo Sanaag kuwaas oo dhiig bax naf iyo dhaqaaleba ku haya dawaladeena, sido kale khatar ku ah nabada muddada dheer lagu naaloonaayay, nidaamka dawladnimo iyo wadajirka beelaha,

 Markaanu aragnay in heshiiskii bulsho ee dalka la baalmaray lagana doorbiday qabyaalad la dawladdeeyay oo horseeday eex, caddaalad darro iyo in kalsoonida muwaadinku ku qabo dawladdu hoos u dhacdo,

 Markay shaki la’aan caddaatay in saami-qaybisga siyaasaddeed iyo khayraadka dalka aanu dheelitirnayn si badheedh ahna qaybo ka mid ah bulshada loogu naasnuujiyay iyadoo tabashooyin xooggan ay ka jiraan beelaha darafyada iyo kuwa dhexe ba.

 Aqoonyahanka iyo dhalinyarada beelweynta Garxajis ee ku sugan Dalka gudihiisa iyaga oo aragtidaas kor ku xusan ka duulaya waxa ay taageero u muujinayaan go’aamadii ka soo baxay Shirweynihii TOL-WANAAJE 2 ee lagu qabtay Buurta Gacan Libaax gobolka Saaxil, 23 Juun ilaa 1 Julaay 2018 iyaga oo soo saaray go’aamadan hoos ku xusan.

Go’aano:
 Aqoonyahanka iyo dhalinyarada Beelweynta Garxajis waxa ay ku heshiiyeen dhawrista midnimada iyo wadajirkooda meel kasta oo ay joogaan gudo iyo dibed ba.

 Waxaanu ku garab taaganahay baaqa ah in la Xoojiyo midnimada iyo deris-wanaaga dhamaan Beelaha wada-deggan Somaliland si loo adkeeyo nabad ku wada noolaanshaha.

 Waxa dhalinyarada iyo aqoonyahanka beelweynta Garxajis go’aan ku gaadheen in aanay marnaba aqbali karin in talada wadanka lagu hanto lagu manaafacsado laguna koobo beelo gaar ah taas oo Dastuurka iyo habka xisbiyada badan ka soo horjeeda.

 Waxaanu dawladda iyo ummada xasuusinaynaa in horumarka, wadajirka iyo xasilloonida dalku ku xidhantahay in beeluhu u sinnaaddaan awoodaha iyo Khayraadka dalka. Waxaanu u aragnaa saami-qaybsiga siyaasaddeed ee hadda jiraa in uu yahay mid aan la aqabali karin oo ka fog caddaaladda dhaawacayana wadajirka ummadda.

 Waxaanu ku baaqaynaa in dib loo eego hannaanka khayraadka dalka lagu maamulaayo een daahfurnayn baalmarsanna sharciga sida Qandaraasyada iyo kootooyinka Dad gaar ah lagu naas nuujiyo ay dhaawac weyn u geysan karto Dimoqraadiyada Somaliland sawir xuna ka gudbin karta Dalka.

 Waxaanu ku baaqaynaa in la joojiyo oo xal waara laga gaadho colaadda ka aloosan Degmada Ceel afweyn laguna furdaamiyo wada hadal. Xasaradi xal maaha!

Allaa Mahad Leh
…………………………………………………………………………………………………………………

LEAVE A REPLY

Please enter your comment!
Please enter your name here